tujhe suraj kahun ya chanda
tujhe deep kahun ya taara
mera naam karega roshan
jag men mera raaj dulaara
mera ghar tha khaali-khaali
chhaai thi ajab udaasi
jivan tha suna suna
har aas thi pyaasi-pyaasi
tere aate hi khushiyon se
bhaar gaya hai jivan saara
mera naam karega roshan............
main kab se taras raha tha
mere aangan men koi khele
nanhi si hansi ke badale
meri saari duniya le le
tere sang jhul raha hai
meri baahon men jag saara
mera naam karega roshan................
aaj ungali thaam ke teri
tujhe main chalana sikhalaaun
kal haath pakadana mera
jab main buddha ho jaaun
tu mila to main ne paaya
jine ka naya sahaara
mera naam karega roshan..............
mere baad bhi is duniya men
zinda mera naam rahega
jo bhi tujh ko dekhega
tujhe mera laal kahega
tere roop men mil jaayega
mujh ko jivan dobaara
mera naam karega roshan...............
