Aane se usake aaye bahaar, jaane se usake jaaye bahaar
Badi mastaani hai meri mehbooba
Meri zindagaani hai meri mehbooba
Gunagunaae aise jaise bajate ho ghoongharoo kahin pe
Aake parvaton se, jaise girataa ho jharanaa zamin pe
Jharano ki mauj hai woh, maujon kI ravaani hai meri mehbooba
Is ghaTaa ko main to usaki aankhon kaa kaajal kahoongaa
Is havaa ko main to usakaa laharaataa aanchal kahoongaa
Hooron ki malikaa hai pariyon ki raani hai meri mehbooba
Beet jaate hain din, kat jaati hai aankhon mein raatein
Hum naa jaane kyaa kyaa karate rahate hain aapas mein baatein
Main thodaa diwaanaa, thodi si diwaani hai meri mehbooba
Ban sanvar ke nikale aae saavan kaa jab jab mahinaa
Har koi ye samajhe hogi vo koi chanchal hasinaa
Poochho to kaun hai vo, rut ye suhaani hai, meri mehbooba
