Dil-E-Nadan Tujhe song lyrics

Dil-e-naadaa.n tujhe huaa kyaa hai
Aakhir is dard kii davaa kyaa hai

Ham hai.n mushtaaq aur vo bezaar
Yaa ilaahii, ye maajaraa kyaa hai

Mai.n bhii muh me.n zubaan rakhataa huu.n
Kaash puuchho kii mudda kyaa hai

Jabaki tujh bin nahii.n koi maujuud
Phir ye ha.ngaamaa ai khudaa kyaa hai

Ye parii-cheharaa log kaise hai.n
Gamazaa-o-ush{}vaa-o-adaa kyaa hai

Shikane-zulafe-amabarii kyaa hai
Nigaahe-chashme-surama saa kyaa hai

Sabz-o-gul kahaa.n se aaye hai.n
Abr kyaa chiiz hai, havaa kyaa hai

Hamako unase vafaa ki hai ummiid
Jo nahii.n jaanate vafaa kyaa hai

Haa.n bhalaa kar, teraa bhalaa hogaa
Aur daravesh kii sadaa kyaa hai

Jaan tum par nisaar karataa huu.n
Mai.n nahii.n jaanataa duaa kyaa hai

Maine maanaa ki kuchh nahiin gaalib
Muft haath aaye, to buraa kyaa hai