vo bhuli daastaan lo phir yaad aa gai - 2
nazar ke saamane ghata si chha gai - 2
vo bhuli daastaan lo phir yaad aa gai
kahaan se phir chale aaye, vo kuchh bhat ke hue saaye
vo kuchh bhule hue naghame, jo mere pyaar ne gaaye
vo kuchh bikhari hui yaaden, vo kuchh toote hue naghame
paraaye ho gaye to kya, kabhi ye bhi to the apane
na jaane in se kyon mil kar, nazar sharma gai
vo bhuli daastaan..............
bade rangin zamaane the, taraane hi taraane the
magar ab poochhata hai dil, vo din the ya fasaane the
faqat ik yaad hai baaki, bas ik fariyaad hai baaki
vo khushiyaan lut gai lekin, dil-e-barabaad hai baaki
kahaan thi zindagi meri, kahaan par aa gai
vo bhuli daastaan......
ummeedon ke hansi mele, tamannaaon ke vo rele
nigaahon ne nigaahon se, ajab kuchh khel se khele
havaa men zulf laharaai, nazar pe bekhudi chhaai
khule the dil ke daravaaze, muhabbat bhi chali aai
tamannaaon ki duniya par, javaani chhaa gayi
vo bhuli daastaan......
vo bhuli daastaan lo phir yaad aa gai - 2
nazar ke saamane ghata si chhaa gai - 2
vo bhuli daastaan lo phir yaad aa gai
